Ողջույն, Հյուր
Գլխավոր էջ » 2013 » Փետրվար » 24 » Երիտասարդը Գառնիում դանակահարել է հորաքրոջ որդուն. վերջինս հիվանդանոցում մահացել է (ՖՈՏՈՇԱՐՔ)
19:36
Երիտասարդը Գառնիում դանակահարել է հորաքրոջ որդուն. վերջինս հիվանդանոցում մահացել է (ՖՈՏՈՇԱՐՔ)
Ոստիկանության քննչական գլխավոր վարչության Կոտայքի մարզի քննչական բաժնի Կոտայքի քննչական բաժանմունքում քննիչ Արմեն Մուրադյանի կողմից հարուցվել է քրեական գործ ՀՀ քրօրի 212 հոդվածի 2-րդ մասի 14 կետի (դիտավորությամբ առողջությանը ծանր վնաս պատճառելը, որը կատարվել է անզգուշությամբ առաջացնելով տուժողի մահ) հատկանիշներով: 

Ինչպես հայտնում է shamshyan.com-ը, այսօր փետրվարի 24-ին ժամը 00:30-ի սահմաններում «Սուրբ Գրիգոր Լուսավորիչ» բժշկական կենտրոն է Գառնի գյուղի հիվանդանոցից տեղափոխվել նույն գյուղի 2-րդ փողոցի բնակիչ, 28-ամյա Արտուշ Գևորգյանը, ով հիվանդանոցում մահացել է: Վերջինս վնասվածքն ստացել է աջ ստորին վերջույթի կտրած ծակած վերք ախտորոշմամբ: 

Հիվանդանոց մեկնած ոստիկանության Կոտայքի բաժնի օպերատիվ խումբը բաժնի պետ Արմեն Առաքելյանի գլխավորությամբ պարզել են, որ մահացածը հիվանդանոց է տեղափոխվել Գառնի գյուղից, որտեղ կենցաղային հարցերի շուրջ վիճաբանություն է տեղի ունեցել նրա եւ նույն գյուղի Բաղրամյան փողոցի բնակիչ, 21-ամյա Արմեն Շահբազյանի, Արմենի հոր, 48-ամյա Աբրահամ Շահբազյանի միջեւ: Վիճաբանության ժամանակ Արմենը իր մոտ եղած դանակով երկու անգամ հարված է հասցրել Ա. Գեւորգյանին: 

Սպանվածը սպանություն կատարողի հորաքրոջ տղան է, իսկ Ա. Շահբազյանը սովորում է Երեւանի ֆիզիկական կուլտուրայի պետական համալսարանի 4-րդ կուրսում: Գ. Շամշյանի տեղեկություններով, դեպքից հետո որդին դանակը նետել է բաց դաշտում, որտեղ այս պահին ոստիկանները Արմենի հետ փնտրում են դանակը: 











Դիտումներ: 234 | Ավելացրեց: davah | - Վարկանիշ -: 0.0/0
Մեկնաբանություններն ընդամենը՝: 0
Имя *:
Email:
Код *: