12:52 Ինչպե՞ս կարող է հոգևորականը մեղքերի թողություն տալ։ | |
Հոգևորականն, ինչպես աղոթքի մեջ է ասվում, Աստծուց ունի այդ իշխանությունը: Ասվում է. ինչ-որ կապեք երկրի վրա, կապված կլինի երկնքում, ինչ արձակեք, արձակված կլինի: Այդ իշխանությամբ, որ գալիս է դեռևս առաքյալներից, քահանան գիտակցաբար եկեղեցի եկած ու գիտակցաբար խոստովանող մարդու մեղքերին թողություն է տալիս, Աստծո անունից: Եթե մարդ եկել է խոստովանության, ուրեմն գիտակցում է, որ սխալներ է արել: Իսկ եթե առանց գիտակցելու է գալիս խոստովանության, Աստծո կողմից թողություն չի ստանա: Եթե նա հոգևորականից թաքցնի, Աստծուց չի կարող գաղտնի պահել իր մեղքը: Աստված սեր է, և Նա հոգևորականի միջոցով թողություն է տալիս այն մարդուն, անգամ հանցագործին, ով իրապես զղջում է: Ովքեր կարծում են, թե այսօր վատ բան կանեն, հետո նորից կգնան խոստովանության, նրանք սոսկ առևտուր են անում: Օրհնությամբ` Տ. Անուշավան վրդ. Ժամկոչյան | |
|
| |
| Մեկնաբանություններն ընդամենը՝: 0 | |